الـ subjectivity ، الجزء الأول ، ربع كيلو برتقال
الـ subjectivity - الجزء الأول - ... ربع كيلو برتقال ......
......
ربع كيلو برتقال ، إيه اللي مخليك متأكد من صحة الكلام دة ؟! ، مفيش كيلو ف البرتقال عشان نلاقيه ، الكيلو دة كائن هلامي ملوش وجود ف الوجود ، البشر استضافوه من كام سنة و انت مفكره صاحبك و حبيبك ، على فكرة هوة بيخونك لما بيكون جرام ، روح شوف الناس اللي بتشتري الدهب و انت تفهم انه مش معاك علطول ، شوفت ازاي هوة مش صاحبك و حبيبك .. طب قوللي انت لسة مؤمن فعلا بـ" الكيلو " ؟! ، طب انت ليه مش بتحترم الجرام إلا ف الحاجة الصعبة زي الدهب ؟!
يا مطلع السمنة من النملة إيه اللي خلاك متشوفهاش ؟
......
تعالى نفهم اللي قولناه دة ، ليه احنا عاملنا الكيلو على إنه صاحبنا رغم إنه طلع ف الآخر خاين و عميل ؟ ، احنا دايما بنتصالح مع الخونة و العملاء ف الآخر مش عارف ليه - ممكن على مستوى الحكومات عندنا -
الغريب و الطبيعي ف الموضوع هوة انه مش خاين ولا عميل ولا حاجة ، هوة راجل بتاع مصلحته ، منين ما بتيجي مصلحة هوة يسد فيها بتلاقيه ، طب ازاي قبل كدة طلعناه خاين و بعد كدة طلعناه بتاع مصلحته و طلع مش خاين ؟
لما بتمسك كيس البرتقال دة و انت مروح يا ترى اهتمامك بإنه " ربع كيلو " بيفضل موجود وللا بعد كدة بتفكر ف إنك اشتريت مجرد برتقال ؟
لو تفتكر مدرس الفيزياء أو الرياضيات أو العلوم أو " الميس " بتاعت أي واحدة منهم لو كان - أو كانت - بيركز - أو بتركز - على إنه الأرقام يكون مكتوب جنبها وحدات القياس بتاعتها ، يا ترى ليه التناكة دي منهم مش كفاية تاعبينا ف الحساب و المذاكرة ؟ ، طب انت تعرف انه التناكة ف " ربع كيلو برتقال " أكتر من التناكة اللي ف " ربع كيلو " ؟
شوف معايا .
" ربع كيلو " دة غالبا الحل اللي ممكن تلاقيه و انت بتتعامل ف الرياضيات أو الفيزياء أو العلوم ، الربع هنا بيعبر عن " العدد " للحاجة اللي بعدها ، الكيلو يعبر عن وحدة القياس ، افتكر و انت صغير لما كنت بتعد ، انت مكنتش بتعد الهوا وقتها لكن كنت بتعد حاجات منفصلة و شبه بعض ، بالتالي الربع دة مش هيعبرلك عن عدد البرتقال لكن هيعبر عن عدد الكيلوات ، هنا انت بدأت تعد الهوا - الكيلوات يعني - ، شفت ازاي انت بتكبر بقى ؟! ، و " برتقال " يعبر عن الحاجة اللي انت قيست عليها خاصية معينة موجودة فيها ، بس الكيلو مش مرتبط بالبرتقال بس و بنلاقيه مع الموز برده ، كمان انت مش معاك كل برتقان الدنيا ف الكيس بتاعك دة ، طب ليه انت جاي تسميه بنفس اسم الفصيلة بتاعته ، شوف معايا لو قررت تعد البرتقال هتلاقي القصة أسلس من التناكة بتاعت الوزن دي ، يمكن عشان كدة زمايلنا ف أوروبا و أمريكا دماغهم مرتاحة من هبل الوزن دة اللي بنضيع فيه وقتنا و مجهودنا و فلوسنا ، أيوة عدهم و انجز عشان الدنيا تمشي .
تعالى نبدأ طيب من حيث الأجانب شغالين ، هناك لو انت عايز برتقال عندهم وحدة القياس هيا " البرتقالة " ، لو عايز موز عندهم وحدة القياس هيا " الموزة " ، شفت هما مش معقدين على نفسهم الموضوع ازاي ؟!
طب احنا بقى - أهل التناكة - ، احنا جبنا حكم خارجي بنعد منه شوية و بنقارن تأثيره مع تأثير شوية البرتقال اللي معاك على ماكينة عجيبة بيسميها أهالينا " الميزان " ، أول أما بيتساوى تأثيره على الماكينة مع تأثير شوية البرتقال اللي معانا بنقول " لقد وجدتها " و نقوم نطلع بشوية ورق في مقابلهم و الكل سعداء و مهابيل ، على فكرة انا بشتري زيكم من اللي بيكون معاه الماكينة العجيبة دي اللي بكفتين فمتخافوش أنا لسة عايش معاكم و زيكم ف حياة القرن التاسع عشر .
طب الماكينة المتطورة فشخ الديجيتال دي ظروفها إيه ؟
هيا يا أبطال الديجيتال هيا ........
دي آلة تناكتها أعلى من الميزان الأصيل أبو كفتين بتاعنا ، التانية بتتنك و هيا بتعدلك - آه بتعد بس بحرفنة و خباثة - عدد الكيلوات اللي البرتقال بتاعك تأثيره مساوي لتأثيرهم ع المكنة ، المكنة دي حريفة أكتر لكن بتلاقيها ف الأماكن العليوي قوي .
مشكلتنا انه احنا بنحب المقارنة كتير لدرجة انه ممكن ننسى نفسينا بسبب مقارنتنا لنفسينا مع غيرنا ، حتى ميلنا و حبنا للمقارنة طلع موجود برده مع الفاكهة دي ، و انت بتوزن يبقى انت بتقارن .
.........
للموضوع بقية
.............................
اللينك على الفيس بوك
https://www.facebook.com/serag.hasouna/posts/583673425074001
......
ربع كيلو برتقال ، إيه اللي مخليك متأكد من صحة الكلام دة ؟! ، مفيش كيلو ف البرتقال عشان نلاقيه ، الكيلو دة كائن هلامي ملوش وجود ف الوجود ، البشر استضافوه من كام سنة و انت مفكره صاحبك و حبيبك ، على فكرة هوة بيخونك لما بيكون جرام ، روح شوف الناس اللي بتشتري الدهب و انت تفهم انه مش معاك علطول ، شوفت ازاي هوة مش صاحبك و حبيبك .. طب قوللي انت لسة مؤمن فعلا بـ" الكيلو " ؟! ، طب انت ليه مش بتحترم الجرام إلا ف الحاجة الصعبة زي الدهب ؟!
يا مطلع السمنة من النملة إيه اللي خلاك متشوفهاش ؟
......
تعالى نفهم اللي قولناه دة ، ليه احنا عاملنا الكيلو على إنه صاحبنا رغم إنه طلع ف الآخر خاين و عميل ؟ ، احنا دايما بنتصالح مع الخونة و العملاء ف الآخر مش عارف ليه - ممكن على مستوى الحكومات عندنا -
الغريب و الطبيعي ف الموضوع هوة انه مش خاين ولا عميل ولا حاجة ، هوة راجل بتاع مصلحته ، منين ما بتيجي مصلحة هوة يسد فيها بتلاقيه ، طب ازاي قبل كدة طلعناه خاين و بعد كدة طلعناه بتاع مصلحته و طلع مش خاين ؟
لما بتمسك كيس البرتقال دة و انت مروح يا ترى اهتمامك بإنه " ربع كيلو " بيفضل موجود وللا بعد كدة بتفكر ف إنك اشتريت مجرد برتقال ؟
لو تفتكر مدرس الفيزياء أو الرياضيات أو العلوم أو " الميس " بتاعت أي واحدة منهم لو كان - أو كانت - بيركز - أو بتركز - على إنه الأرقام يكون مكتوب جنبها وحدات القياس بتاعتها ، يا ترى ليه التناكة دي منهم مش كفاية تاعبينا ف الحساب و المذاكرة ؟ ، طب انت تعرف انه التناكة ف " ربع كيلو برتقال " أكتر من التناكة اللي ف " ربع كيلو " ؟
شوف معايا .
" ربع كيلو " دة غالبا الحل اللي ممكن تلاقيه و انت بتتعامل ف الرياضيات أو الفيزياء أو العلوم ، الربع هنا بيعبر عن " العدد " للحاجة اللي بعدها ، الكيلو يعبر عن وحدة القياس ، افتكر و انت صغير لما كنت بتعد ، انت مكنتش بتعد الهوا وقتها لكن كنت بتعد حاجات منفصلة و شبه بعض ، بالتالي الربع دة مش هيعبرلك عن عدد البرتقال لكن هيعبر عن عدد الكيلوات ، هنا انت بدأت تعد الهوا - الكيلوات يعني - ، شفت ازاي انت بتكبر بقى ؟! ، و " برتقال " يعبر عن الحاجة اللي انت قيست عليها خاصية معينة موجودة فيها ، بس الكيلو مش مرتبط بالبرتقال بس و بنلاقيه مع الموز برده ، كمان انت مش معاك كل برتقان الدنيا ف الكيس بتاعك دة ، طب ليه انت جاي تسميه بنفس اسم الفصيلة بتاعته ، شوف معايا لو قررت تعد البرتقال هتلاقي القصة أسلس من التناكة بتاعت الوزن دي ، يمكن عشان كدة زمايلنا ف أوروبا و أمريكا دماغهم مرتاحة من هبل الوزن دة اللي بنضيع فيه وقتنا و مجهودنا و فلوسنا ، أيوة عدهم و انجز عشان الدنيا تمشي .
تعالى نبدأ طيب من حيث الأجانب شغالين ، هناك لو انت عايز برتقال عندهم وحدة القياس هيا " البرتقالة " ، لو عايز موز عندهم وحدة القياس هيا " الموزة " ، شفت هما مش معقدين على نفسهم الموضوع ازاي ؟!
طب احنا بقى - أهل التناكة - ، احنا جبنا حكم خارجي بنعد منه شوية و بنقارن تأثيره مع تأثير شوية البرتقال اللي معاك على ماكينة عجيبة بيسميها أهالينا " الميزان " ، أول أما بيتساوى تأثيره على الماكينة مع تأثير شوية البرتقال اللي معانا بنقول " لقد وجدتها " و نقوم نطلع بشوية ورق في مقابلهم و الكل سعداء و مهابيل ، على فكرة انا بشتري زيكم من اللي بيكون معاه الماكينة العجيبة دي اللي بكفتين فمتخافوش أنا لسة عايش معاكم و زيكم ف حياة القرن التاسع عشر .
طب الماكينة المتطورة فشخ الديجيتال دي ظروفها إيه ؟
هيا يا أبطال الديجيتال هيا ........
دي آلة تناكتها أعلى من الميزان الأصيل أبو كفتين بتاعنا ، التانية بتتنك و هيا بتعدلك - آه بتعد بس بحرفنة و خباثة - عدد الكيلوات اللي البرتقال بتاعك تأثيره مساوي لتأثيرهم ع المكنة ، المكنة دي حريفة أكتر لكن بتلاقيها ف الأماكن العليوي قوي .
مشكلتنا انه احنا بنحب المقارنة كتير لدرجة انه ممكن ننسى نفسينا بسبب مقارنتنا لنفسينا مع غيرنا ، حتى ميلنا و حبنا للمقارنة طلع موجود برده مع الفاكهة دي ، و انت بتوزن يبقى انت بتقارن .
.........
للموضوع بقية
.............................
اللينك على الفيس بوك
https://www.facebook.com/serag.hasouna/posts/583673425074001
Comments
Post a Comment