هل احنا عايشين ف وقت أحسن ؟
هل احنا عايشين ف وقت أحسن ؟
ممكن و ممكن ﻷ برده :)
.. مثلا زمان العادات و صعوبة الحركة و المواصلات كانت سايدة على جدودنا ، الاعتبارات الاجتماعية من ترابط العائلات و كلام الناس على بعضيها بسبب اقترابهم من بعض - على ما يبدو - كان بيزود من إحكام القبضة على الواحد.
ف أيامنا فيه ناس و أسر تقريبا القصة دي ممكن تكون ضعفت عندهم ، بس طبعا و ﻹنه الثقافة مش عايزة تموت فبتغير جلدها .. دلوقتي مثلا لو شفت " تقاليد الزواج و الأفراح " هتفهم انه دة هوة من محاولات إعادة إحياء الثقافة القديمة.
زمان الخدمات ( من ميا و نور و كهربا و غيره ) كانت معدومة أو ضعيفة الانتشار لكن بالنسبة لينا - خصوصا اللي عندنا نت دلوقتي على سبيل المثال و قادرين بالتالي يشوفوا المنشور دة و غيره من المنشورات ( الكلمة دي تقريبا كانت مخيفة زمان :) ) - هتلاقي عندنا الخدمات دي و إن كانت لا تخلو بالطبع من سوء و تردي أحوالها .. شوارعنا فيها إنارة و إن كان فيه درجة من سوء إدارتها ( زي تشغيلها الصبح -_- ) .. فيه حركة تجارة شغالة و لكنها مش على قد المقام قوي بالنسبة للتاجر و المشتري لكن دة ميمنعش وجود تجارب ناجحة حوالينا ف المجال دة :) و التجارب الناجحة مش دليل على تحسن الأحوال ف العموم - عشان محدش يفهم غلط أو تضحك عليه الدعاية و البروباجاندا - :3 .
لو هتسألني عن " الأحوال السياسية " فهيا من ضمن إرثنا المتردي اللي وارثينه من زمان و غالبا متغيرش للأفضل و متتوقعلوش أي تحسن على مدى حياة جيلنا .. ضيف لدة إنه معرفتنا عن السياسة أقرب لمعرفتنا عن فرق الكورة و هيا بتلاعب بعض بس طبعا مع شوية رشة تعصب أو بعض محاولات تَفَهُّم غالبا بتكون فردية و بتعتمد على نصيب من أخلاق أو حكمة أصحابها .. خصوصا إنه إرثنا ف مجال السياسة و الإدارة أقرب للطبيعة الاستبدادية و الفاشية ، أما على مستوى الشركات فمن المحتمل إنه الإرث دة يكون مجرد copy مشوه من " صورة الخواجة " من ناحية و ممكن نزعة الاستبدادية و الفاشية تدخلله برده .. أبسط استدلال على دة هوة " خدمة عملاء شركات المحمول و الإنترنت و ديلفري المطاعم ذات المسحة الأجنبية " و اللغة اللي بيكلموك بيها .. ممكن تلاحظ نوع من " الانعزال الثقافي " ف لغة الحوار بينك و بينهم ، مش معنى دة انه حد فينا احسن من التاني لكن معناه إنه نمط اللغة و الـ style مختلف عن أنماط لغة تانية موجودة و أقرب للتجذر ف مجتمعنا ، و بالتأكيد اختلاف لغة الحوار مش جاي من فراغ و مش جاي من مجرد رغبة القواعد :) .
لو هتسألني عن الجرايم اللي ناتجة عن راية السياسة فدة برده متحسنش كتير .. مع تردي فهمنا للأرض بتاعتها و سبب ضياعها و مع تردي معرفتنا عن معنى الحياة المدنية و مقوماتها ( من خدمات و حقوق ) .. و عموما احنا بنرتكب يوميا ( كمدنيين ) مجموعة من الجرايم ضد بعضنا ، الجهل و التجهم و القرفنة و العبوس من أوضح الأمثلة عليهم -_-
من مميزات زماننا انه المعارف تقريبا انفتحت قدامنا - و خصوصا المعارف الأدبية - .. لكن مقدرش أعمم الزعم دة على المعارف العلمية و المعارف التقنية خصوصا إنه كترة تفاصيلها بتوهم بانتشارها .. و عموما فهم الحياة المدنية بييجي من مزيج متجانس من المعرفة الأدبية - و خصوصا اللي ف تاريخنا الحديث القريب جدا جدا و اللي عشناه بنفسنا + فهم المبادئ الأقرب للمنطقية - و من المعرفة التقنية ( هندسة الإنشاءات و الطرق و المنشآت المائية و الهندسة الميكانيكية بفروعها و الهندسة الكيميائية و الهندسة الكهربية بفرعيها من الضغط العالي - المهتم بتوفير الكهربا على نطاق واسع - و الضغط المنخفض و الإلكترونيات - و المهتم بالاتصالات و الحوسبة بأنواعها - بالإضافة للـ software و الـ IT ) و اللي هيا بطبيعة الحال بتحتاج للصبر و الفهم و التعمق بدرجة قد تكون أصعب من نظيرتها الأدبية.
المعرفة الأدبية بتفهمنا طرق و مسالك التحركات الثقافية - سواء من حيث صناعة ثقافة خاصة أو تعديل مفاهيم ثقافة تانية لمصلحتك - و بتخليك تقرب لدرجة معينة من فهم معتقدات البشر " الفعلية " - و اللي هيا بالمناسبة مصدر محتمل للثغرات عندهم بيتمسكوا ببقائه فيهم و اللي بالتالي بيتم غالبا الدعاية لأي تصور مطلوب له الانتشار عن طريقها و على أكتافها و اللي تقدر تعتبره مدخل و باب كويس ليك - .. و المعرفة العلمية ( قوة معرفة العتاد ) بتقرب بيك من إنه تكون صاحب سلطة فعلية - لو مكنتش موظف أو ف رتبة من رتب القواعد - .. شرط إنه المعرفة العلمية تكون مصدر لسلطتك هوة انه كثافة الإنتاج بتاعتها و إنه عناصر كتير ف السوق تكون محتاجالها بالأساس .. و عموما لو حابب تمتلك السلطة الفعلية فلازم تجمع بين المعرفة العلمية و المعرفة الأدبية .. التانية هتساعدك ف إدارة و تحريك و فهم اللي حواليك و الأولى هتفهمك سير العمل و الإنتاج عندك ماشي ازاي - مش بالكفتة طبعا :3 -
ممكن و ممكن ﻷ برده :)
.. مثلا زمان العادات و صعوبة الحركة و المواصلات كانت سايدة على جدودنا ، الاعتبارات الاجتماعية من ترابط العائلات و كلام الناس على بعضيها بسبب اقترابهم من بعض - على ما يبدو - كان بيزود من إحكام القبضة على الواحد.
ف أيامنا فيه ناس و أسر تقريبا القصة دي ممكن تكون ضعفت عندهم ، بس طبعا و ﻹنه الثقافة مش عايزة تموت فبتغير جلدها .. دلوقتي مثلا لو شفت " تقاليد الزواج و الأفراح " هتفهم انه دة هوة من محاولات إعادة إحياء الثقافة القديمة.
زمان الخدمات ( من ميا و نور و كهربا و غيره ) كانت معدومة أو ضعيفة الانتشار لكن بالنسبة لينا - خصوصا اللي عندنا نت دلوقتي على سبيل المثال و قادرين بالتالي يشوفوا المنشور دة و غيره من المنشورات ( الكلمة دي تقريبا كانت مخيفة زمان :) ) - هتلاقي عندنا الخدمات دي و إن كانت لا تخلو بالطبع من سوء و تردي أحوالها .. شوارعنا فيها إنارة و إن كان فيه درجة من سوء إدارتها ( زي تشغيلها الصبح -_- ) .. فيه حركة تجارة شغالة و لكنها مش على قد المقام قوي بالنسبة للتاجر و المشتري لكن دة ميمنعش وجود تجارب ناجحة حوالينا ف المجال دة :) و التجارب الناجحة مش دليل على تحسن الأحوال ف العموم - عشان محدش يفهم غلط أو تضحك عليه الدعاية و البروباجاندا - :3 .
لو هتسألني عن " الأحوال السياسية " فهيا من ضمن إرثنا المتردي اللي وارثينه من زمان و غالبا متغيرش للأفضل و متتوقعلوش أي تحسن على مدى حياة جيلنا .. ضيف لدة إنه معرفتنا عن السياسة أقرب لمعرفتنا عن فرق الكورة و هيا بتلاعب بعض بس طبعا مع شوية رشة تعصب أو بعض محاولات تَفَهُّم غالبا بتكون فردية و بتعتمد على نصيب من أخلاق أو حكمة أصحابها .. خصوصا إنه إرثنا ف مجال السياسة و الإدارة أقرب للطبيعة الاستبدادية و الفاشية ، أما على مستوى الشركات فمن المحتمل إنه الإرث دة يكون مجرد copy مشوه من " صورة الخواجة " من ناحية و ممكن نزعة الاستبدادية و الفاشية تدخلله برده .. أبسط استدلال على دة هوة " خدمة عملاء شركات المحمول و الإنترنت و ديلفري المطاعم ذات المسحة الأجنبية " و اللغة اللي بيكلموك بيها .. ممكن تلاحظ نوع من " الانعزال الثقافي " ف لغة الحوار بينك و بينهم ، مش معنى دة انه حد فينا احسن من التاني لكن معناه إنه نمط اللغة و الـ style مختلف عن أنماط لغة تانية موجودة و أقرب للتجذر ف مجتمعنا ، و بالتأكيد اختلاف لغة الحوار مش جاي من فراغ و مش جاي من مجرد رغبة القواعد :) .
لو هتسألني عن الجرايم اللي ناتجة عن راية السياسة فدة برده متحسنش كتير .. مع تردي فهمنا للأرض بتاعتها و سبب ضياعها و مع تردي معرفتنا عن معنى الحياة المدنية و مقوماتها ( من خدمات و حقوق ) .. و عموما احنا بنرتكب يوميا ( كمدنيين ) مجموعة من الجرايم ضد بعضنا ، الجهل و التجهم و القرفنة و العبوس من أوضح الأمثلة عليهم -_-
من مميزات زماننا انه المعارف تقريبا انفتحت قدامنا - و خصوصا المعارف الأدبية - .. لكن مقدرش أعمم الزعم دة على المعارف العلمية و المعارف التقنية خصوصا إنه كترة تفاصيلها بتوهم بانتشارها .. و عموما فهم الحياة المدنية بييجي من مزيج متجانس من المعرفة الأدبية - و خصوصا اللي ف تاريخنا الحديث القريب جدا جدا و اللي عشناه بنفسنا + فهم المبادئ الأقرب للمنطقية - و من المعرفة التقنية ( هندسة الإنشاءات و الطرق و المنشآت المائية و الهندسة الميكانيكية بفروعها و الهندسة الكيميائية و الهندسة الكهربية بفرعيها من الضغط العالي - المهتم بتوفير الكهربا على نطاق واسع - و الضغط المنخفض و الإلكترونيات - و المهتم بالاتصالات و الحوسبة بأنواعها - بالإضافة للـ software و الـ IT ) و اللي هيا بطبيعة الحال بتحتاج للصبر و الفهم و التعمق بدرجة قد تكون أصعب من نظيرتها الأدبية.
المعرفة الأدبية بتفهمنا طرق و مسالك التحركات الثقافية - سواء من حيث صناعة ثقافة خاصة أو تعديل مفاهيم ثقافة تانية لمصلحتك - و بتخليك تقرب لدرجة معينة من فهم معتقدات البشر " الفعلية " - و اللي هيا بالمناسبة مصدر محتمل للثغرات عندهم بيتمسكوا ببقائه فيهم و اللي بالتالي بيتم غالبا الدعاية لأي تصور مطلوب له الانتشار عن طريقها و على أكتافها و اللي تقدر تعتبره مدخل و باب كويس ليك - .. و المعرفة العلمية ( قوة معرفة العتاد ) بتقرب بيك من إنه تكون صاحب سلطة فعلية - لو مكنتش موظف أو ف رتبة من رتب القواعد - .. شرط إنه المعرفة العلمية تكون مصدر لسلطتك هوة انه كثافة الإنتاج بتاعتها و إنه عناصر كتير ف السوق تكون محتاجالها بالأساس .. و عموما لو حابب تمتلك السلطة الفعلية فلازم تجمع بين المعرفة العلمية و المعرفة الأدبية .. التانية هتساعدك ف إدارة و تحريك و فهم اللي حواليك و الأولى هتفهمك سير العمل و الإنتاج عندك ماشي ازاي - مش بالكفتة طبعا :3 -
Comments
Post a Comment